சீனா மாஸ்டர்ஸ் பேட்மிண்டன்: பெண்கள் ஒற்றையர் பிரிவில் அனுபமா வெற்றி

ஷென்ஜென்,

சீனா மாஸ்டர்ஸ் சர்வதேச பேட்மிண்டன் போட்டி ஷென்ஜென் நகரில் நேற்று தொடங்கியது. இதன் ஆண்கள் ஒற்றையர் முதல் சுற்று ஆட்டத்தில் இந்திய வீரர் பிரியன்ஷூ ரஜாவத் 24-22, 13-21, 18-21 என்ற செட் கணக்கில் இந்தோனேசியாவின் சிகோ அவ்ராவிடம் தோல்வி கண்டார்,

இதேபோல், பெண்கள் ஒற்றையர் பிரிவில் முதல் சுற்று ஆட்டம் ஒன்றில் இந்திய வீராங்கனை ஆகர்ஷி காஷ்யப் 10-21, 18-21 என்ற நேர்செட்டில் ஜப்பானின் டாமோகா மியாஜகியிடம் தோல்வி கண்டு வெளியேறினார். ஆனால், மற்றொரு ஆட்டத்தில் தரவரிசையில் 50-வது இடத்தில் உள்ள இந்திய வீராங்கனை அனுபமா உபாத்யாயா 21-17, 8-21, 22-20 என்ற செட் கணக்கில் 15-ம் நிலை வீராங்கனையான பீவென் ஜாங்குக்கு (அமெரிக்கா) அதிர்ச்சி அளித்து 2-வது சுற்றுக்கு முன்னேறினார்.