கோல்டு கோஸ்ட்
21-வது காமன்வெல்த் விளையாட்டு போட்டி ஆஸ்திரேலியாவின் கோல்டுகோஸ்ட் நகரில் நடந்து வருகிறது. இதில் 9-வது நாளான இன்றும் இந்தியாவின் பதக்க வேட்டை தொடர்ந்தது. மகளிர் 50 மீட்டர் துப்பாக்கிசுடுதல் பிரிவில். இந்தியாவின் தேஜஸ்வினி ஸ்வந்த் தங்கப்பதக்கம் வென்றார். அதேபோல், 50 மீட்டர் துப்பாக்கிச்சுடுதலின் மற்றொரு பிரிவில், இந்தியாவின் அஞ்சூம் மவுட்கில் வெள்ளிப்பதக்கம் வென்றார்.
ஆடவருக்கான 25 மீட்டர் ரேபிட் ஃபயர் துப்பாக்கிசுடுதலில் இந்தியாவின் அனிஷ் பன்வாலா தங்க பதக்கம் வென்றார். இந்தியா தற்போது, 16 தங்கம், 8 வெள்ளி, 10 வெண்கல பதக்கங்கள் என மொத்தம் 34 பதக்கங்களுடன் காமன்வெல்த் பதக்க பட்டியலில் 3-வது இடத்தில் உள்ளது.
இன்று மல்யுத்தப் போட்டி 65 கிலோ எடைப்பிரிவில், இந்தியாவின் பஜ்ரங் புனியா தங்கப்பதக்கம் வென்றார்.
ஆடவருக்கான 97 கிலோ எடைப்பிரிவின் மல்யுத்த போட்டியில் இந்திய வீரர் மவுசம் கட்ரி வெள்ளிப்பதக்கம் வென்றார். தங்கப்பதக்கத்தை தென்ஆப்ரிக்க வீரர் மார்டின் எராஸ்மஸ் தட்டிச் சென்றார்.
இந்தியா 17 தங்கம், 10 வெள்ளி, 12 வெண்கலம் என மொத்தம் 39 பதக்கங்களுடன் பதக்க பட்டியலில் மூன்றாம் இடத்தில் நீடிக்கிறது.