கோல்டுகோஸ்ட்,
காமன்வெல்த் போட்டியின் ஆண்கள் குத்துச்சண்டை 46-49 கிலோ எடைப்பிரிவில் இந்திய வீரர் அமித் வெள்ளி பதக்கம் வென்றார்.
21-வது காமன்வெல்த் விளையாட்டு போட்டி ஆஸ்திரேலியாவின் கோல்டுகோஸ்ட் நகரில் நடந்து வருகிறது. இறுதிகட்டத்தை எட்டியுள்ள இந்த விளையாட்டு திருவிழாவில் 10-வது நாளான இன்றும் இந்திய அணியினர் பதக்கங்களை வென்று வருகின்றனர்.
இந்நிலையில் காமன்வெல்த் போட்டியில் ஆண்கள் குத்துச்சண்டை பிரிவில் இறுதி போட்டி இன்று நடைபெற்றது. இதில் இந்தியாவின் அமித் இங்கிலாந்தின் கலால் யாபையை எதிர் கொண்டார். இன்று நடைபெற்ற இந்த ஆட்டத்தில் அமித் 3-1 என்ற செட் கணக்கில் கலால் யாபையிடம் தோல்வி அடைந்தார். இதன் மூலம் வெள்ளி பதக்கத்தை அவர் கைப்பற்றினார்.
இதன் மூலம் இந்தியா 18 தங்கம், 12 வெள்ளி, 14 வெண்கலம் உள்பட 44 பதக்கங்களுடன் 3-வது இடத்தில் தொடர்ந்து நீடிக்கிறது.