துளிகள்

* 11-வது சென்னை ஓபன் சர்வதேச கிராண்ட்மாஸ்டர் செஸ் போட்டி ஓ.எம்.ஆர். ரோட்டில் உள்ள நட்சத்திர ஓட்டலில் நடந்து வருகிறது. 10 சுற்றுகள் கொண்ட இந்த போட்டியில் நேற்று நடந்த 5-வது சுற்று ஆட்டம் ஒன்றில் சென்னை ஐ.சி.எப். வீரர் ஷியாம் நிகில், வியட்நாம் வீரர் டிரான் தின் மின்ஹை எதிர்கொண்டார். விறுவிறுப்பான இந்த ஆட்டத்தில் 36-வது காய் நகர்த்தலில் ஷியாம் நிகில் வெற்றி பெற்றார். மற்றொரு சென்னை வீரர் முத்தையா 31-வது காய் நகர்த்தலில் வியட்நாமின் மெகரன்டோ சுசன்டோவை தோற்கடித்தார். இன்னொரு ஆட்டத்தில் ரஷிய வீரர் லுகாவ்ஸ்கோ மேக்சிம், இந்திய வீரர் ஆகாசை வீழ்த்தினார். 5-வது சுற்று முடிவில் ஷியாம் நிகில் (இந்தியா), லுகாவ்ஸ்கோ மேக்சிம் (ரஷியா) ஆகியோர் தலா 5 புள்ளிகளுடன் முதலிடம் வகிக்கின்றனர்.