ஹைலோ ஓபன் பேட்மிண்டன் போட்டியில் இந்தியா தோல்வி

சார்ப்ரூக்கன்,

ஹைலோ ஓபன் சூப்பர் 300 பேட்மிண்டன் போட்டிகள் ஜெர்மனி நாட்டின் சார்ப்ரூக்கன் நகரில் நடைபெற்று வருகிறது.

உலக சாம்பியன்ஷிப்பில் வெள்ளி பதக்கம் வென்று தரவரிசைப் பட்டியலில் 11-வது இடம் வகிக்கும் கிடாம்பி ஸ்ரீகாந்த், தரவசிசைப் பட்டியலில் 6-வது இடத்தில் உள்ள இந்தோனேஷிய வீரர் அந்தோனி கின்டிங்கை எதிர்கொண்டார். இந்த போட்டியில் ஸ்ரீகாந்த் 21-க்கு 18 மற்றும் 21-க்கு 15 என்ற செட் கணக்கில் தோல்வியடைந்தார்.

பெண்களுக்கான இரட்டையர் பிரிவில் இந்தியாவின் டிரீஸா ஜாலி மற்றும் காயத்ரி கோபிசந்த் ஆகியோர் தாய்லாந்து வீராங்கணைகளான பென்யபா ஏய்ம்சார்ட் மற்றும் நுன்டகர்ன் ஏய்ம்சார்ட் இணையிடம் 21-க்கு 17, 14-க்கு 21 மற்றும் 21-க்கு 18 என்ற செட் கணக்கில் தோல்வியை சந்தித்தனர்.