இந்தோனேஷிய ஓபன் பேட்மிண்டன்: இந்திய வீராங்கனை சிந்து அரைஇறுதிக்கு முன்னேற்றம்

ஜகர்தா,

இந்தோனேஷிய ஓபன் பேட்மிண்டன் போட்டி ஜகர்தாவில் நடந்து வருகிறது. இதில் நேற்று நடந்த பெண்கள் ஒற்றையர் பிரிவு கால்இறுதி ஆட்டம் ஒன்றில் இந்திய வீராங்கனை பி.வி.சிந்து 21-14, 21-7 என்ற நேர்செட்டில் ஜப்பான் வீராங்கனை நஜோமி ஒகுஹராவை எளிதில் வீழ்த்தி அரைஇறுதிக்கு முன்னேறினார். இந்த ஆட்டம் 44 நிமிடத்தில் முடிவுக்கு வந்தது. இன்று நடைபெறும் அரைஇறுதியில் சிந்து, சீன வீராங்கனை சென் யு பெய்யை சந்திக்கிறார்.