சென்னை,
17-வது தேசிய ஜூனியர் பெடரேஷன் கோப்பைக்கான தடகள சாம்பியன்ஷிப் போட்டி திருவண்ணாமலையில் நேற்று தொடங்கியது. இதில் முதல் நாளில் நடந்த பெண்களுக்கான நீளம் தாண்டுதலில் தமிழக வீராங்கனை ஷெரின் ஆன்ட்ரியா 5.99 மீட்டர் தூரம் தாண்டி தங்கப்பதக்கத்தை தனதாக்கினார். கேரள வீராங்கனை ஆன்சி சோசன் 5.91 மீட்டர் தூரம் தாண்டி வெள்ளிப்பதக்கமும், மற்றொரு தமிழக வீராங்கனை தபிதா 5.91 மீட்டர் தூரம் தாண்டி வெண்கலப்பதக்கமும் பெற்றனர். பதக்கம் வென்ற தமிழக வீராங்கனைகள் இருவரும் சென்னையில் உள்ள செயின்ட் ஜோசப்ஸ் ஸ்போர்ட்ஸ் அகாடமியின் பயிற்சியாளரும், மத்திய கலால் வரி சூப்பிரண்டுமான பி.நாகராஜனிடம் பயிற்சி பெற்றவர்கள் ஆவர்.
