தேசிய சீனியர் கபடி: தமிழக அணியின் வெற்றி தொடருகிறது

சென்னை,

67-வது தேசிய சீனியர் கபடி சாம்பியன்ஷிப் போட்டி ராஜஸ்தான் மாநிலத்தில் உள்ள ஜெய்ப்பூரில் நடந்து வருகிறது. இதில் ஆண்களுக்கான போட்டியில் பி பிரிவில் இடம் பிடித்துள்ள தமிழக அணி நேற்று நடந்த தனது 3-வது மற்றும் கடைசி லீக் ஆட்டத்தில் கோவாவை சந்தித்தது. இதில் தொடக்கம் முதலே ஆதிக்கம் செலுத்திய தமிழக அணி 53-24 என்ற புள்ளி கணக்கில் கோவாவை சாய்த்து தொடர்ச்சியாக 3-வது வெற்றியை ருசித்தது. முந்தைய ஆட்டங்களில் அரியானா மற்றும் டெல்லி அணிகளை வீழ்த்தி இருந்த தமிழக அணி தனது பிரிவில் முதலிடத்தை பிடித்து கால்இறுதிக்கு முந்தைய சுற்றுக்கு முன்னேறியது. பெண்கள் பிரிவில் இன்று நடைபெறும் கால்இறுதிக்கு முந்தைய சுற்று ஆட்டத்தில் தமிழக அணி, பஞ்சாப்பை எதிர்கொள்கிறது.