உலக சாம்பியன் கார்ல்சனை வீழ்த்தினார் பிரக்ஞானந்தா

மியாமி,

கிரிப்டோ கோப்பை செஸ் தொடரின் 7வது சுற்றில் உலக சாம்பியன் கார்ல்சனை தமிழக வீரர் பிரக்ஞானந்தா வீழ்த்தினார். மியாமி நகரில் நடைபெற்ற இந்த தொடரில் ஏழு சுற்றுகளின் முடிவில் பிரக்ஞானந்தா இரண்டாமிடம் பிடித்தார்.

முன்னதாக பிரக்ஞானந்தா இந்தப் போட்டியில் 4 ரேபிட் கேம்களில் கார்ல்சனை வீழ்த்தி 3 புள்ளிகள் பெற்றிருந்தால் கார்ல்சனை வீழ்த்தி சாம்பியன் ஆகியிருப்பார். ஆனால் ஆட்டம் டை பிரேக்கிற்குச் சென்றதால் கார்ல்சன் சாம்பியன் ஆனார். டைப்பிரேக்கரில் பிரக்ஞானந்தா வென்று இரண்டாம் இடம் பிடித்தார்.

பிரதான போட்டி 2-2 என டிரா ஆனநிலையில் டை பிரேக்கரில் கார்ல்சனை வீழ்த்தி பிரக்ஞானந்தா சாதனை நிகழ்த்தி உள்ளார். நடப்பாண்டில் 3வது முறையாக உலக சாம்பியன் கார்ல்சனை பிரக்ஞானந்தா வீழ்த்தியுள்ளது குறிப்பிடத்தக்கது.