புரோ கபடி லீக்: உ.பி. யோத்தா, குஜராத் ஜெயன்ட்ஸ் அணிகள் வெற்றி..!

பெங்களூரு,

8-வது புரோ கபடி லீக் போட்டி பெங்களூருவில் நடந்து வருகிறது. இதில் நேற்று இரவு நடந்த 104-வது லீக் ஆட்டத்தில் உ.பி.யோத்தா அணி மற்றும் தமிழ் தலைவாஸ் அணிகள் மோதின. இந்த ஆட்டத்தில் உ.பி. யோத்தா அணி 41-39 என்ற புள்ளி கணக்கில் தமிழ் தலைவாஸ் அணியை வீழ்த்தி 7-வது வெற்றியை ருசித்தது. 18-வது ஆட்டத்தில் ஆடிய தமிழ் தலைவாஸ் 5 வெற்றி, 7 தோல்வி, 6 டை கண்டுள்ளது.

மேலும் இதைத் தொடர்ந்து நடைபெற்ற ஆட்டத்தில் தெலுங்கு டைட்டன்ஸ் மற்றும் குஜராத் ஜெயன்ட்ஸ் அணிகள் மோதின. இந்த ஆட்டத்தில் குஜராத் ஜெயன்ட்ஸ் அணி 34-32 என்ற புள்ளி கணக்கில் தெலுங்கு டைட்டன்ஸ் அணியை வீழ்த்தி வெற்றி பெற்றது.

இன்று நடைபெறும் ஆட்டங்களில் பெங்கால் வாரியர்ஸ்-தபாங் டெல்லி (இரவு 7.30 மணி), புனேரி பால்டன்-பாட்னா பைரட்ஸ் (இரவு 8.30 மணி) அணிகள் மோதுகின்றன.