ஸ்பெயின் மாஸ்டர்ஸ் பேட்மிண்டன்: முதல் சுற்றில் இந்திய வீராங்கனை பி.வி. சிந்து வெற்றி

மாட்ரிட்,

ஸ்பெயின் மாஸ்டர்ஸ் சர்வதேச பேட்மிண்டன் போட்டி மாட்ரிட்டில் நடந்து வருகிறது. இதில் நேற்று நடந்த பெண்கள் ஒற்றையர் பிரிவின் முதல் சுற்று ஆட்டம் ஒன்றில் இந்தியாவின் பி.வி. சிந்து 21-16, 21-12 என்ற நேர் செட் கணக்கில் கனடாவின் வென் யு ஜாங்கை எளிதில் தோற்கடித்து 2-வது சுற்றுக்கு முன்னேறினார்.

இந்த ஆட்டம் 30 நிமிடத்தில் முடிவுக்கு வந்தது. மற்றொரு ஆட்டத்தில் அஷ்மிதா சாலிஹா (இந்தியா) 13-21, 11-21 என்ற நேர் செட்டில் ராட்சனோக் இன்டானோனிடம் (தாய்லாந்து) பணிந்தார்.