பாசெல்,
சுவிஸ் ஓபன் பேட்மிண்டன் போட்டி பாசெல் நகரில் நடந்து வருகிறது. இதில் பெண்கள் ஒற்றையர் முதலாவது சுற்றில் இந்தியாவின் பி.வி.சிந்து 21-12, 21-13 என்ற நேர் செட்டில் தாய்லாந்தின் போர்ன்பிசா சோய்கீவோங்கை தோற்கடித்து 2-வது சுற்றுக்கு முன்னேறினார்.
ஆண்கள் பிரிவில் முன்னாள் நம்பர் ஒன் வீரர் ஸ்ரீகாந்த் 21-17, 21-18 என்ற நேர் செட்டில் சீனதைபேயின் வாங் ஷூ வெய்யை வீழ்த்தி 2-வது சுற்றை எட்டினார். மற்றொரு இந்திய வீரர் லக்ஷயா சென் 21-19, 15-21, 21-11 என்ற செட் கணக்கில் மலேசியாவின் லியோங் ஜன் ஹாவ்வை போராடி சாய்த்தார்.