பதுமி,

3-வது 'பிடே' பெண்கள் உலகக் கோப்பை செஸ் போட்டி ஜார்ஜியாவில் உள்ள பதுமி நகரில் நடந்து வருகிறது. இதன் இறுதிப்போட்டியில் இந்திய வீராங்கனைகள் கோனெரு ஹம்பி - திவ்யா தேஷ்முக் மோதுகின்றனர். இறுதி சுற்று இரு ஆட்டங்கள் கொண்டதாகும். நேற்று நடந்த இறுதிப்போட்டிக்கான முதலாவது ஆட்டத்தில் வெள்ளைநிற காய்களுடன் ஆடிய திவ்யா தேஷ்முக் 41-வது நகர்த்தலில் ஹம்பியுடன் 'டிரா' செய்தார்.

இதனால் இருவருக்கும் தலா ½ புள்ளி வழங்கப்பட்டது. இந்த ஆட்டம் சுமார் 4 மணி நேரம் நீடித்தது. இன்று நடைபெறும் இறுதிப்போட்டிக்கான 2-வது ஆட்டத்தில் ஹம்பி- திவ்யா மீண்டும் மோதுகிறார்கள். இதில் வெற்றி பெறுபவர் சாம்பியன் பட்டத்தை கைப்பற்றுவார். மாறாக ஆட்டம் டிராவில் முடிந்தால், வெற்றியாளரை தீர்மானிக்க டைபிரேக்கருக்கு நகரும்.