ஒட்டாவா,
கிராண்ட்ஸ்லாம் அந்தஸ்து கொண்ட டென்னிஸ் விளையாட்டின் மிக முக்கிய தொடரான அமெரிக்க ஓபன் இந்த மாத இறுதியில் தொடங்கவிருக்கிறது. இதற்கு முன்னதாக கனடா ஓபன் டென்னிஸ் போட்டிகள் நடைபெற்று வருகின்றன.
இதில் ஆடவர் ஒற்றையர் பிரிவில் நடைபெற்ற 3-ம் சுற்று ஆட்டத்தில் ஸ்பெயின் வீரர் ஆல்பர்ட் ரமோஸ் உடன், போலந்து வீரர் ஹூபர்ட் ஹர்காஸ் மோதினார். விறுவிறுப்பாக நடைபெற்ற இந்த ஆட்டத்தில் 6-7, 6-2, 7-6 என்ற செட் கணக்கில் ஹர்காஸ் வெற்றி பெற்று காலிறுதி சுற்றுக்கு முன்னேறினார்.
