சின்சினாட்டி,

பல முன்னணி வீரர், வீராங்கனைகள் பங்கேற்றுள்ள சின்சினாட்டி ஓபன் டென்னிஸ் தொடர் அமெரிக்காவில் நடைபெற்று வருகிறது. விறுவிறுப்பான கட்டத்தை எட்டியுள்ளது.

இந்த தொடரில் இன்று நடைபெற்ற மகளிர் இரட்டையர் பிரிவின் இறுதிப்போட்டியில் நியூசிலாந்தின் எரின் ரூட்லிப் - கனடாவின் கேப்ரியலா டப்ரோவ்ஸ்கி ஜோடி, சீனாவின் குவோ ஹன்யு - ரஷியாவின் அலெக்ஸாண்ட்ரா பனோவா ஜோடியுடன் மோதியது.

இந்த மோதலில் தொடக்கம் முதலே ஆதிக்கம் செலுத்தி அபார ஆட்டத்தை வெளிப்படுத்திய எரின் ரூட்லிப் ஜோடி 6-4, 6-3 என்ற நேர் செட் கணக்கில் குவோ ஹன்யு - அலெக்ஸாண்ட்ரா பனோவா ஜோடியை வீழ்த்தி சாம்பியன் பட்டத்தை வென்றது.