சின்சினாட்டி,
பல முன்னணி வீரர், வீராங்கனைகள் பங்கேற்றுள்ள சின்சினாட்டி ஓபன் டென்னிஸ் தொடர் அமெரிக்காவில் நடைபெற்று வருகிறது. இந்த தொடரில் இன்று நடைபெற்ற ஆண்கள் இரட்டையர் பிரிவில் காலிறுதிக்கு முந்தைய சுற்றான ரவுண்ட் ஆப் 16 சுற்று ஆட்டம் ஒன்றில் இந்தியாவின் ரோகன் போபண்ணா - ஆஸ்திரேலியாவின் மேத்யூ எப்டன் இணை, பிரான்சின் ஆர்தர் பில்ஸ் - சிலியின் நிக்கோலஸ் ஜாரி இணை உடன் மோதியது.
இந்த ஆட்டத்தின் முதல் செட்டை 6-4 என்ற புள்ளிக்கணக்கில் ஆர்தர் பில்ஸ் இணையும், 2வது செட்டை 7-6, (7-5) என்ற புள்ளிக்கணக்கில் போபண்ணா இணையும் கைப்பற்றியது. இதையடுத்து வெற்றியாளரை தீர்மானிக்கும் 3வது செட்டில் அபாரமாக செயல்பட்ட ஆர்தர் பில்ஸ் இணை 10-8 என்ற புள்ளிக்கணக்கில் போபண்ணா இணையை வீழ்த்தியது.
இதன் மூலம் போபண்ணா இணை காலிறுதிக்கு முந்தைய சுற்றில் தோல்வி கண்டு தொடரில் இருந்து வெளியேறியது.
