பாரிஸ்,
ஆண்டுதோறும் 4 வகையான 'கிராண்ட்ஸ்லாம்' என்ற உயரிய அந்தஸ்து பெற்ற டென்னிஸ் போட்டி நடந்து வருகிறது. இதில் 2-வது வருவது பிரெஞ்சு ஓபனாகும். இந்த ஆண்டுக்கான பிரெஞ்சு ஓபன் டென்னிஸ் தொடர் பிரான்ஸ் தலைநகர் பாரீசில் நேற்று முன்தினம் தொடங்கியது.
ஆண்கள் ஒற்றையர் பிரிவில் இன்று நடந்த முதல் சுற்று போட்டி ஒன்றில் உலகின் இரண்டாம் நிலை வீரரான ரஷ்யாவின் டேனியல் மெட்வதேவ் , தரவரிசையில் 103வது இடத்தில் உள்ள அர்ஜென்டினாவின் ஃபகுண்டோ பாக்னிஸை எதிர்த்து விளையாடினார்.
இந்த போட்டியில் தொடக்கம் முதலே ஆதிக்கம் செலுத்திய மெட்வதேவ் 6-2, 6-2, 6-2 என்ற நேர் செட் கணக்கில் பாக்னிஸை வீழ்த்தி வெற்றி பெற்றார். இதன் மூலம் அவர் 2-வது சுற்றுக்கு தகுதி பெற்றுள்ளார்.
