கலிபோர்னியா,
இண்டியன்வெல்ஸ் ஓபன் சர்வதேச டென்னிஸ் போட்டி அமெரிக்காவின் கலிபோர்னியாவில் நடந்து வருகிறது. பல முன்னணி வீரர், வீராங்கனைகள் பங்கேற்றிருந்த இந்த தொடரின் மகளிர் ஒற்றையர் பிரிவின் இறுதிப்போட்டி இன்று நடைபெற்றது.
இதில் ரஷியாவின் மிர்ரா ஆண்ட்ரீவா மற்றும் நம்பர் 1 வீராங்கனையான பெலாரசின் அரினா சபலென்கா ஆகியோர் மோதினர். தொடக்கம் முதலே பரபரப்பாக நடைபெற்ற இந்த ஆட்டத்தின் முதல் செட்டை 6 2 என்ற புள்ளிக்கணக்கில் சபலென்காவும், 2வது செட்டை 6 4 என்ற புள்ளிக்கணக்கில் மிர்ரா ஆண்ட்ரீவாவும் கைப்பற்றினர்.
இதையடுத்து வெற்றியாளரை தீர்மானிக்கும் 3வது செட்டில் அனல் பறந்தது. இருவரும் மாறி மாறி புள்ளிகள் எடுத்தனர். இதில் அபாரமாக செயல்பட்ட மிர்ரா ஆண்ட்ரீவா 6 3 என்ற புள்ளிக்கணக்கில் சபலென்காவை வீழ்த்தினார். இறுதியில் 2 6, 6 4, 6 3 என்ற செட் கணக்கில் சபலென்காவை வீழ்த்தி மிர்ரா ஆண்ட்ரீவா சாம்பியன் பட்டத்தை வென்றார்.
