புதுடெல்லி,
உலக தரவரிசையில் முதலிடத்தில் உள்ள இத்தாலி டென்னிஸ் நட்சத்திரம் ஜானிக் சின்னர், வலது முழங்காலில் ஏற்பட்ட காயம் காரணமாக இந்த ஆண்டுக்கான அமெரிக்க ஓபன் டென்னிஸ் தொடரில் இருந்து விலகியுள்ளார்.
2019-ம் ஆண்டு அமெரிக்க ஓபன் தொடரில் அறிமுகமான ஜானிக் சின்னர், அதன்பிறகு முதல்முறையாக ஒரு கிராண்ட்ஸ்லாம் தொடரில் பங்கேற்காமல் விலகியுள்ளார்.
25 வயதான சின்னர், இதுவரை 44 வெற்றிகள், 3 தோல்விகள் என்ற அபாரமான சாதனையுடன், 6 பட்டங்களை வென்றுள்ளார். இதில் இந்தியன் வெல்ஸ், மியாமி, மான்டே கார்லோ, மாட்ரிட் மற்றும் ரோம் ஆகிய தொடர்களில் வென்ற 5 ஏடிபி மாஸ்டர்ஸ் 1000 பட்டங்களும், விம்பிள்டன் கிராண்ட்ஸ்லாம் பட்டமும் அடங்கும்.
வருகிற 30-ம் தேதி தொடங்க உள்ள அமெரிக்க ஓபன் தொடரில், கடந்த 2024-ம் ஆண்டு சாம்பியனான ஜானிக் சின்னர் பங்கேற்காதது அவரது ரசிகர்களுக்கு பெரும் ஏமாற்றத்தை ஏற்படுத்தியுள்ளது.
