மராட்டிய ஓபன் டென்னிஸ்: மரின் சிலிச் கால்இறுதிக்கு முன்னேற்றம்

புனே,

5-வது மராட்டிய ஓபன் சர்வதேச டென்னிஸ் போட்டி புனேயில் நடந்து வருகிறது. இதில் 3-வது நாளான நேற்று நடந்த ஒற்றையர் பிரிவின் 2-வது சுற்றில் நேரடியாக களம் கண்ட குரோஷியா வீரர் மரின் சிலிச் 6-3, 3-6, 6-1 என்ற செட் கணக்கில் ஸ்பெயினின் ராபர்டோ கார்பாலெஸ்சை வீழ்த்தி கால்இறுதிக்குள் நுழைந்தார்.

மற்றொரு ஆட்டத்தில் செர்பியா வீரர் பிலிப் கிராஜ்னோவிச் 2-6, 6-3, 6-4 என்ற செட் கணக்கில் அமெரிக்காவின் மிச்செல் மோமோவை சாய்த்து கால்இறுதிக்கு முன்னேறினார். மற்ற ஆட்டங்களில் அஸ்லான் கரட்சேவ் (ரஷியா), போடிக் வான்டி ஜான்ட்ஸ்கல்ப் (நெதர்லாந்து), பெஞ்சமின் போன்ஜி (பிரான்ஸ்), டாலோன் கிரிக்ஸ்பூர் (நெதர்லாந்து) ஆகியோரும் வெற்றி பெற்று கால்இறுதியை உறுதி செய்தனர்.