மல்லோர்கா ஓபன்: காலிறுதியில் யூகி பாம்ப்ரி ஜோடி தோல்வி

மாட்ரிட்,

ஸ்பெயின் நாட்டில் மல்லோர்கா சாம்பியன்ஷிப் ஓபன் டென்னிஸ் போட்டி நடைபெற்று வருகிறது. இதில் ஆண்கள் இரட்டையர் பிரிவில் இன்று நடைபெற்ற காலிறுதி ஆட்டம் ஒன்றில் இந்தியாவின் யூகி பாம்ப்ரி - அல்பனோ ஆலிவெட்டி (பிரான்ஸ்) ஜோடி, அமெரிக்காவின் வித்ரோ- லம்மோன்ஸ் ஜோடியை எதிர்கொண்டது.

விறுவிறுப்பாக நடைபெற்ற இந்த ஆட்டத்தில் அமெரிக்காவின் வித்ரோ- லம்மோன்ஸ் ஜோடி 7-6 (23-21), 6-4 என்ற புள்ளிக்கணக்கில் இந்தியாவின் யூகி பாம்ப்ரி - அல்பனோ ஆலிவெட்டி (பிரான்ஸ்) ஜோடியை வீழ்த்தி அரையிறுதிக்கு தகுதி பெற்றது.