மியாமி,
அமெரிக்காவில் மியாமி ஓபன் டென்னிஸ் போட்டிகள் நடந்து வருகின்றன. இதில் மகளிர் ஒற்றையர் பிரிவின் அரையிறுதி போட்டி ஒன்றில் கஜகஸ்தான் முன்னணி வீராங்கனையான ரைபகினா, பெலாரசை சேர்ந்த விக்டோரியா அசரென்கா உடன் மோதினார்.
இதில் முதல் செட்டை ரைபகினா கைப்பற்றிய நிலையில், 2-வது செட்டை அசரென்கா கைப்பற்றினார். இதனையடுத்து நடைபெற்ற 3-வது செட்டை டை பிரேக்கர் வரை போராடி ரைபகினா கைப்பற்றி வெற்றி பெற்று இறுதிப்போட்டிக்கு முன்னேறினார்.
இந்த ஆட்டத்தில் ரைபகினா 6-4, 0-6 மற்றும் 7-6 என்ற செட் கணக்கில் வெற்றி பெற்று இறுதிப்போட்டிக்கு முன்னேறினார். இவர் இறுதிப்போட்டியில் அமெரிக்க வீராங்கனையான டேனியல் காலின்சுடன் பலப்பரீட்சை நடத்த உள்ளார்.
