பீஜிங்,
ஷாங்காய் மாஸ்டர்ஸ் டென்னிஸ் தொடர் சீனாவில் நடந்து வருகிறது. இந்த தொடரில் ஆண்கள் இரட்டையர் பிரிவின் ரவுண்ட் ஆப் 16 சுற்று ஆட்டத்தில் இந்தியாவின் ரோகன் போபண்ணா - குரோசியாவின் இவான் டோடிக் இணை, குரோசியாவின் நிகோலோ மெடிக்-நெதர்லாந்தின் வெஸ்லி ஜோடியுடன் மோதியது.
இந்த ஆட்டத்தில் முதல் செட்டில் போபண்ணா ஜோடி 6-7 (5-7) என போராடி தோற்றது. இதையடுத்து 2வது செட்டில் அபாரமாக செயல்பட்ட போபண்ணா ஜோடி 6-2 என எளிதில் கைப்பற்றியது.
இதையடுத்து வெற்றியாளரை தீர்மானிக்கும் 3வது செட்டில் அனல் பறந்தது. இரு ஜோடியும் மாறி மாறி புள்ளிகள் எடுத்தனர். இறுதியில் இந்த செட்டில் போபண்ணா ஜோடி 12-14 என்ற புள்ளிக்கணக்கில் தோல்வி கண்டு தொடரில் இருந்து வெளியேறியது.