ஷாங்காய் மாஸ்டர்ஸ் டென்னிஸ்; ஹோல்கர் ரூனே 3வது சுற்றுக்கு முன்னேற்றம்

பீஜிங்,

ஷாங்காய் மாஸ்டர்ஸ் டென்னிஸ் தொடர் சீனாவில் நடந்து வருகிறது. இந்த தொடரில் ஆண்கள் ஒற்றையர் பிரிவில் இன்று நடைபெற்ற 2வது சுற்று (ரவுண்ட் ஆப் 64) ஆட்டம் ஒன்றில் டென்மார்க்கின் ஹோல்கர் ரூனே - இத்தாலியின் மேட்டியோ பெரெட்டினி உடன் மோதினார்.

இந்த ஆட்டத்தின் முதல் செட்டை 4-6 என்ற புள்ளிக்கணக்கில் இழந்த ரூனே, போட்டியின் அடுத்த இரு செட்களை 6-4, 6-3 என்ற புள்ளிக்கணக்கில் கைப்பற்றினார். இதன் மூலம் 4-6, 6-4, 6-3 என்ற செட் கணக்கில் மேட்டியோ பெரெட்டினியை வீழ்த்தி ஹோல்கர் ரூனே 3வது சுற்றுக்கு முன்னேறினார்.

நாளை நடைபெறும் 3வது சுற்று ஆட்டத்தில் ஹோல்கர் ரூனே, செக் குடியரசின் ஜிரி லெஹெக்கா உடன் மோத உள்ளார்.