ஷாங்காய்,

ஷாங்காய் மாஸ்டர்ஸ் டென்னிஸ் தொடர் சீனாவில் நடந்து வருகிறது. இந்த போட்டியில் ஆண்கள் ஒற்றையர் பிரிவில் நேற்று நடைபெற்ற 3வது சுற்று ஆட்டம் ஒன்றில் முன்னணி வீரரான டேனியல் மெத்வதேவ் (ரஷியா) - ஸ்பெயினின் அலெஜான்ட்ரோ டேவிடோவிச் போகினா உடன் மோதினார்.

இந்த மோதலில் தொடக்கம் முதலே அபாரமாக செயல்பட்டு ஆதிக்கம் செலுத்திய மெத்வதேவ் 6-3, 7-6 (7-5) என்ற செட் கணக்கில் அலெஜான்ட்ரோ டேவிடோவிச் போகினாவை வீழ்த்தி 4வது சுற்றுக்கு முன்னேறினார்.