ஷாங்காய் ஓபன் டென்னிஸ் ஜோகோவிச் கால்இறுதிக்கு முன்னேற்றம்

ஷாங்காய்,

ஷாங்காய் மாஸ்டர்ஸ் ஓபன் டென்னிஸ் போட்டி சீனாவில் நடந்து வருகிறது. இதில் ஒற்றையர் பிரிவில் நேற்று நடந்த 3-வது சுற்று ஆட்டம் ஒன்றில் உலக தரவரிசையில் 3-வது இடத்தில் இருக்கும் ஜோகோவிச் (செர்பியா), 21-ம் நிலை வீரரான மார்கோ செச்சினாட்டோவை (இத்தாலி) எதிர்கொண்டார். இதில் ஜோகோவிச் 6-4, 6-0 என்ற நேர்செட்டில் மார்கோ செச்சினாட்டோவை தோற்கடித்து கால்இறுதிக்கு முன்னேறினார்.

மற்றொரு ஆட்டத்தில் உலக தரவரிசையில் 5-வது இடத்தில் உள்ள அலெக்சாண்டர் ஸ்வெரேவ் (ஜெர்மனி) 6-1, 6-4 என்ற நேர்செட்டில் 33-ம் நிலை வீரரான அலெக்ஸ் டி மினாரை (ஆஸ்திரேலியா) எளிதில் வீழ்த்தி கால்இறுதிக்குள் நுழைந்தார். மற்ற ஆட்டங்களில் கெவின் ஆண்டர்சன் (தென்ஆப்பிரிக்கா), நிஷிகோரி (ஜப்பான்), கைல் எட்முன்ட் (இங்கிலாந்து) ஆகியோர் வெற்றி பெற்று கால்இறுதிக்கு தகுதி பெற்றார்கள்.