நியூயார்க்,

‘கிராண்ட்ஸ்லாம்’ போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க்கில் நடந்து வருகிறது. இந்த போட்டி விறுவிறுப்பான இறுதி கட்டத்தை எட்டி விட்டது.

இதன் ஆண்கள் இரட்டையர் பிரிவின் இறுதிப்போட்டியில் கிரானோலர்ஸ் (ஸ்பெயின்) - ஜெபாலோஸ் (அர்ஜெண்டினா) ஜோடி, இங்கிலாந்து இணையான நீல் ஸ்குப்ஸ்கி - ஜோ சாலிஸ்பரி உடன் மோதியது.

இதில் முதல் செட்டை இங்கிலாந்து இணை கைப்பற்றிய நிலையில், அடுத்த 2 செட்டுகளை கிரானோலர்ஸ் - ஜெபாலோஸ் ஜோடி போராடி கைப்பற்றி வெற்றி பெற்றது. கிரானோலர்ஸ் - ஜெபாலோஸ் ஜோடி இந்த ஆட்டத்தில் 3-6, 7-6 மற்றும் 7-5 என்ற செட் கணக்கில் வெற்றி பெற்று சாம்பியன் பட்டம் வென்றது.