நியூயார்க்,
'கிராண்ட்ஸ்லாம்' அந்தஸ்து பெற்ற அமெரிக்க ஓபன் டென்னிஸ் தொடர் நியூயார்க் நகரில் நடந்து வருகிறது.
இதில் ஆண்கள் ஒற்றையர் பிரிவில் இன்று நடைபெற்ற மூன்றாவது சுற்று ஆட்டம் ஒன்றில் ரஷியாவைச் சேர்ந்த 3-ம் நிலை வீரர் டேனில் மெட்விடேவ், அர்ஜென்டினா வீரர் செபாஸ்டினுடன் மோதினார். இந்த போட்டியில் மெட்விடேவ் 6-2, 6-2, 7-6 (8-6) என்ற செட் கணக்கில் செபாஸ்டினை வீழ்த்தி வெற்றி பெற்று 4-வது சுற்றுக்கு முன்னேறினார்.
மற்றொரு மூன்றாவது சுற்று ஆட்டம் ஒன்றில் ரஷிய வீரர் ஆந்த்ரே ரூப்லெவ், பிரான்சு வீரர் ஆர்தருடன் மோதினார். இந்த போட்டியில் ரூப்லெவ் 3-6, 6-3, 6-1, 7-5 என்ற செட் கணக்கில் ஆர்தரை வீழ்த்தி வெற்றி பெற்று 4-வது சுற்றுக்கு முன்னேறினார்.
