கோவா,
உலக டேபிள் டென்னிஸ் 'ஸ்டார் கன்டென்டர்' சாம்பியன்ஷிப் போட்டி கோவாவில் நடந்து வருகிறது. முதல் இரு நாட்கள் தகுதி சுற்று நடந்தது. பிரதான சுற்று நேற்று தொடங்கியது. இதில் இந்திய நட்சத்திர வீராங்கனை மணிகா பத்ரா ஒரே நாளில் 3 வெற்றிகளை ருசித்து கவனத்தை ஈர்த்தார்.
முன்னதாக பெண்கள் ஒற்றையர் முதல் சுற்றில் மணிகா பத்ரா 11-4, 11-8, 11-5 என்ற நேர் செட்டில் இங்கிலாந்தின் டின்-டின்னை தோற்கடித்தார். பின்னர் பெண்கள் இரட்டையரில் அர்ச்சனாவுடனும், கலப்பு இரட்டையரில் ஜி.சத்யனுடனும் இணைந்து முதல் சுற்றில் வெற்றி கண்டு மணிகா பத்ரா கால்இறுதியை எட்டினார்.
அதே சமயம் இந்திய இளம் வீராங்கனை ஸ்ரீஜா அகுலா 2-11, 13-11, 8-11, 2-11 என்ற செட் கணக்கில் எகிப்தின் ஹனா கோடாவிடம் பணிந்தார்.