மும்பை,
மாவோயிஸ்டு தொடர்பு வழக்கில் உபா சட்டப்பிரிவின் கீழ் கைது செய்யப்பட்டவர் டெல்லி பல்கலைக்கழக முன்னாள் பேராசிரியர் ஜி.என்.சாய்பாபா. இவருடன் பாண்டு நரோடே உள்பட மேலும் 5 பேரும் கைது செய்யப்பட்டனர். இவர்களுக்கு கடந்த 2017-ம் ஆண்டு ஆயுள் தண்டனை விதிக்கப்பட்டது. இதில் நாக்பூர் சிறையில் ஜி.என்.சாய்பாபாவுடன் பாண்டு நரோடேவும் தண்டனை அனுபவித்து வருகிறார்.
இந்த நிலையில் பாண்டு நரோடேவுக்கு கடந்த 20-ந் தேதி கடும் காய்ச்சல் ஏற்பட்டது. இதையடுத்து அவருக்கு பரிசோதனை செய்யப்பட்டதில் பன்றி காய்ச்சல் இருப்பது உறுதியானது. உடனடியாக அவர் அங்குள்ள அரசு மருத்துவ கல்லூரி ஆஸ்பத்திரியில் தனிமைப்படுத்தப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது.