இந்த நிலையில், இப்படத்தின் டிரைலர் இன்று வெளியானது. தீமை - நன்மை ஆகியவற்றுக்கு இடையே நடக்கும் யுத்தம் தான் இந்த பிரம்மாஸ்திரம் படத்தின் முதல் பாகம். இதற்கு சிவா என பெயரிடப்பட்டு உள்ளது. இந்திய திரையுலகத்தில் இது மிகவும் முக்கியமான படமாக இருக்கும் என படக்குழுவினர் நம்பிக்கை தெரிவித்துள்ளனர். நவீன தொழில்நுட்பத்தின் உதவியுடன் எடுக்கப்பட்டுள்ள இப்படத்தில் இடம்பெறும் காட்சிகள் ரசிகர்களுக்கு நிச்சயம் சிறந்த அனுபவத்தை கொடுக்கும் எனவும் படக்குழு தெரிவித்துள்ளது.

அதிக விஎப்எக்ஸ் எனப்படும் பிரமாண்ட காட்சிகள் படத்தில் நிறைந்துள்ளன. வழக்கமான புராண சினிமா சூப்பர் ஹீரோ கதையம்சம் கொண்ட படம். கார்ட்டூன் படம் போன்ற அனுபவத்தை பார்வையாளர்களுக்கு அளிக்கிறது.

இந்தப் படம் தமிழ், தெலுங்கு, கன்னடம், இந்தி மற்றும் மலையாளம் என அனைத்து மொழிகளிலும் வெளியாகவுள்ளது குறிப்பிடத்தக்கது.