இதுபற்றி அவர் தெரிவித்துள்ள விளக்கத்தில், கலாமிற்கு பல கனவுகள் இருந்தன. அவரை போல பல கனவுகள் கொண்டவன் நான். விமர்சிப்பது மட்டும் என் வேலையன்று. நான் இறங்கி வேலை செய்ய வந்தவன் என தெரிவித்துள்ளார்.

தொடர்ந்து அவர், திராவிடம் என்பது தமிழ்நாடு தழுவியது மட்டுமல்ல. அது நாடு தழுவியது. மிகப்பெரிய சரித்திரமும், ஆந்த்ரோபாலஜியும் தொல்பொருள் ஆராய்ச்சியும் திராவிடத்தில் உள்ளது என்றும் தெரிவித்துள்ளார்.

இன்று கமல் அவரது ஆழ்வார்பேட்டை அலுவலகத்தில், 4 மாவட்ட கமல் நற்பணிமன்ற முக்கிய நிர்வாகிகளுடன் ஆலோசனை நடத்தினார் அப்போது சுற்றுப்பயண ஏற்பாடுகள் எவ்வாறு இருக்க வேண்டும் என்பது குறித்து அவர்களுடன் கலந்துரையாடினார்.

தொடர்ந்து மற்ற மாவட்ட நிர்வாகிகளுடனும் ஆலோசனை நடத்து கிறார். பிப்ரவரி 10-ந் தேதி கமல்ஹாசன் அமெரிக்காவில் உள்ள ஹார்வர்டு பல்கலைக்கழகத்தில் பேசுவதற்காக அங்கு செல்கிறார். அமெரிக்காவில் இருந்து திரும்பியதும் கமலின் சுற்றுப்பயண விவரம் முழுமையாக அறிவிக்கப் படுகிறது.

இந்த நிலையில் இன்று காலை வேளச்சேரியில் நடந்த ஒரு விழாவில் கமல்ஹாசன் பேசினார்.

அப்போது அவர் பேசியதாவது:-

என் ஆயுளுக்குள் இந் தியாவை பெருமை அடைய செய்வேன். இந்தியாவின் பெருமை தமிழகத்தில் இருந்து தொடங்கும். அதற்கான பயணம் அடுத்த மாதம் தொடங்குகிறது. அப்போது பல சகோதரர்கள் கிடைப்பார்கள்.

கல்வி, சுகாதாரம், மருத் துவம், போக்குவரத்து ஆகி யவை சரி இல்லை. கல்வி, சுகாதாரம், மருத்துவம், போக்குவரத்து ஆகியவற்றை டிஜிட்டல் முறையில் செய் யவே வந்துள்ளேன்.நாம் உலகத்தின் முன்னோடி ஆகும் காலம் வெகுதொலைவில் இல்லை. இவ்வாறு அவர் கூறினார்.