மாசிப் பெருவிழா.. மேல்மலையனூரில் பயபக்தியுடன் தீமிதித்து நேர்த்திக்கடன் செலுத்திய பக்தர்கள்

மதியம் 1 மணிக்கு உற்சவ அம்மனை அக்னி குளத்திற்கு ஊர்வலமாக அழைத்துச் சென்றனர். அங்கு அம்மன் கையில் வேப்பிலை மற்றும் தீச்சட்டி ஏந்தியவாறு அலங்காரம் செய்யப்பட்டு, சிம்ம வாகனத்தில் அமர்த்தினர்.

பின்பு மேளதாளம் முழங்க ஊர்வலமாக வந்து மாலை 4 மணிக்கு கோவிலுக்கு முன்பு இருந்த அக்னி குண்டத்தின் முன்பாக அம்மன் எழுந்தருளினார்.

பின்பு தலைமை பூசாரி அம்மனுக்கும், பூக்குழிக்கும் தீபாராதனை காட்டி பூ உருண்டையை உருட்டி விட்டு முதலில் தீமித்தார். அவரை தொடர்ந்து விரதம் இருந்த பக்தர்கள் அங்காளம்மனை போற்றி பக்தி கோஷம் எழுப்பியவாறு தீ மிதித்து நேர்த்திக்கடன் செலுத்தினர்.