பர்பானியை சேர்ந்த முன்னாள் எம்.எல்.ஏ. சீத்தாராம் கன்தத். இவரது பேரன் சாகில் விஜய்(வயது28). இவர் நவிமும்பை சான்பாடா பகுதியில் தாய், தங்கையுடன் வசித்து வந்தார். சம்பவத்தன்று அதிகாலை இவர் நவிமும்பையில் இருந்து பேலாப்பூருக்கு காரில் சென்றார். சாகில் விஜய் காரில் வேமாக சென்றதாக தெரிகிறது. கார் பாம் பீச் ரோடு, என்.ஆர்.ஐ. அருகே உள்ள சர்வீஸ் ரோட்டில் சென்றபோது, திடீரென கட்டுப்பாட்டை இழந்து அந்த பகுதியில் இருந்த நெருல்-உரன் ரெயில்வே பால தூணில் பயங்கரமாக மோதியது. கார் மோதிய வேகத்தில் சாகில் விஜய் வெளியே தூக்கி வீசப்பட்டார். இதில் கார் வெடித்து தீப்பிடித்து எரிந்தது.