அதுபோல் காவிரி நீர்ப்பிடிப்பு பகுதியான கேரள மாநிலம் வயநாடு மாவட்டத்திலும் தென்மேற்கு பருவமழை தீவிரம் அடைந்துள்ளது. இதனால் கர்நாடகத்தில் உள்ள கே.ஆர்.எஸ்., கபினி உள்ளிட்ட அணைகள் இரு முறை நிரம்பின. மேலும் பல அணைகள் வேகமாக நிரம்பி வருகின்றன. தொடர்ந்து கனமழை பெய்து வருவதால் கடந்த சில தினங்களுக்கு முன்பு தமிழகத்திற்கு வினாடிக்கு 1.40 லட்சம் கனஅடிக்கும் மேல் தண்ணீர் திறந்துவிடப்பட்டது.

அதன் பிறகு நீர்வரத்து குறைந்ததை தொடர்ந்து அணைகளில் இருந்து வெளியேற்றப்படும் நீரின் அளவும் குறைக்கப்பட்டது. இந்த நிலையில் நேற்று முன்தினம் கே.ஆர்.எஸ். அணைக்கு நீர்வரத்து அதிகரித்ததால், அணையின் பாதுகாப்பை கருதி, வினாடிக்கு 1 லட்சம் கனஅடி வீதம் தண்ணீர் திறக்கப்பட்டது. இரு அணைகளில் இருந்தும் வினாடிக்கு 1.45 லட்சம் கனஅடி வீதம் தண்ணீர் திறக்கப்பட்டது. இதனால் நஞ்சன்கூடு, மண்டியா மாவட்டங் களில் ஏராளமான பகுதிகள் மழை வெள்ளத்தில் சிக்கிக் கொண்டன.