சிங்கம்புணரி பேரூராட்சி பகுதியில் 18 வார்டுகள் உள்ளன. சிங்கம்புணரி சுற்றிலும் நூற்றுக்கணக்கான கிராமங்கள் உள்ளன. சிவகங்கை, மதுரை, புதுக்கேட்டை, திண்டுக்கல் ஆகிய மாவட்டங்களின் எல்லை மற்றும் தொடக்கப்பகுதியில் சிங்கம்புணரி உள்ளதால் நான்கு மாவட்டங்களை சேர்ந்த கிராம மக்கள் சிங்கம்புணரிக்கு வந்து செல்கிறார்கள். சிங்கம்புணரி பஸ் நிலையம் அருகில் செயல்பட்டு வரும் வாரச்சந்தைக்கு வந்து காய்கறிகள் மற்றும் உணவுப் பொருட்கள் வாங்கி செல்வது வழக்கம். இங்கு வாரந்தோறும் வியாழக்கிழமை சந்தை கூடுகிறது.

பேரூராட்சி நிர்வாகத்தால் நடத்தப்பட்டு வரும் வாரச்சந்தையில் முறையான கழிவுநீர் கால்வாய் இல்லை. மழைக்காலங்களில் மழைநீர் தேங்கி சந்தை சேறும், சகதியுமாக காட்சியளிக்கிறது. இதனால் சந்தைக்கு காய்கறிகள், பொருட்கள் வாங்க வரும் பொதுமக்கள் மிகவும் அவதிப்பட்டனர்.