தர்மபுரி நாடாளுமன்ற தொகுதியில் வெற்றி பெற்றால் மேட்டூர் அணையின் உபரிநீர் திட்டத்தை நிறைவேற்றுவோம். இதன் மூலம் மேச்சேரி பகுதியில் உள்ள குளங்களை நிரப்பி நிலத்தடி நீர்மட்டத்தை உயர்த்த நடவடிக்கை எடுப்போம்.

இவ்வாறு அவர் கூறினார்.

முன்னதாக ஓமலூர் வந்த டி.டி.வி. தினகரனுக்கு ஓமலூர் பஸ்நிலையம் அம்பேத்கர் சிலை அருகே சேலம் மேற்கு மாவட்ட அ.ம.மு.க. சார்பில் மாவட்ட செயலாளர் கே.கே.மாதேஷ்வரன் தலைமையில் வரவேற்பு அளிக்கப்பட்டது. மேலும் ஏராளமான பெண்கள் பூரண கும்ப மரியாதையுடன் வரவேற்பு அளித்தனர். இதில் முன்னாள் அமைச்சர் பழனியப்பன், கிழக்கு மாவட்ட செயலாளர் செல்வம், மாவட்ட அவைத்தலைவர் சின்னான், மாவட்ட இணை செயலளார் செம்மண்ணன், பேரவை செயலாளர் ஜெமினி, இணை செயலாளர் நடராஜன், மேச்சேரி ஒன்றிய செயலாளர் மூர்த்தி, நங்கவள்ளி வடக்கு ஒன்றிய செயலாளர் இளங்கோ உள்பட பலர் கலந்துகொண்டனர்.