இந்த நிலையில்காதல் திருமணம் செய்த தம்பதி ஊருக்குள் வர அனுமதிக்க மறுத்து, தகராறு செய்பவர்கள் மீது போலீசார் நடவடிக்கை எடுக்காததை கண்டித்து முகிலன் நேற்று கிருஷ்ணகிரி கலெக்டர் அலுவலகத்திற்கு தனது மனைவி சாருமதி மற்றும் ஒரு வயது பெண் குழந்தை, பெற்றேர் ஆகியோருடன் வந்தார். அங்கு தான் கொண்டு வந்திருந்த மண்எண்ணெயை தன் மீது ஊற்றிக்கொண்டு முகிலன் தீக்குளிக்க முயன்றார்.

இதைகண்ட அங்கு பாதுகாப்பு பணயில் ஈடுபட்டு இருந்த போலீசார், தீயணைப்பு வீரர்கள் விரைந்து சென்று தீக்குளிப்பு சம்பவத்தை தடுத்து, அவர் மீது தண்ணீரை ஊற்றினர். பின்னர் அவர்களை விசாரணைக்காக போலீசார், அழைத்து சென்றனர். இதைத் தொடர்ந்து முகிலனின் மனைவி சாருமதி, மாவட்ட வருவாய் அலுவலர் சதீசிடம் கோரிக்கை மனு வழங்கினார்.

அந்த மனு மீது விசாரணை நடத்தி உரிய நடவடிக்கை எடுக்க போலீசாருக்கு அவர் உத்தரவிட்டார். தனியார் நிறுவன ஊழியர் தீக்குளித்து தற்கொலைக்கு முயன்ற சம்பவத்தால் கலெக்டர் அலுவலகத்தில் பரபரப்பு ஏற்பட்டது.