குழு அமைத்து ஆய்வு

கனமழையால் காசிமேடு மீன்பிடி துறைமுகம் உள்பட அனைத்து மீன்பிடி துறைமுகங்களில் ஏற்பட்ட சேதங்களை ஆய்வு செய்யுமாறு முதல்-அமைச்சர் மு.க.ஸ்டாலின் அளித்த உத்தரவின்பேரில் இந்த ஆய்வை மேற்கொண்டோம். காசிமேடு மீன்பிடி துறைமுகத்தில் படகு சேத விவரங்கள் உள்பட அனைத்து சேதங்களையும் குழு அமைத்து ஆய்வு செய்யப்படும். பின்னர் அதை அறிக்கையாக தயார் செய்து முதல்-அமைச்சர் பார்வைக்கு எடுத்து செல்வோம். சேத அறிக்கைக்கு பின்னரே மீனவர்களுக்கு இழப்பீடு வழங்குவது குறித்து முதல்-அமைச்சர் அறிவிப்பார்.

இவ்வாறு அவர் கூறினார்.

அப்போது அமைச்சரிடம், மீனவர்கள் மீன் விற்பனை செய்யும் இடங்களில் மேற்கூரை அமைத்து தரவேண்டும். சேதமடைந்த மேற்கூரைகளை சீரமைத்து தரவேண்டும் என அகில இந்திய மீனவர் சங்க செய்தி தொடர்பாளர் நாஞ்சில் ரவி சார்பில் கோரிக்கை மனு கொடுத்தனர்.

ஆய்வின்போது மீன்வளத்துறை இயக்குனர் பழனிச்சாமி, வடசென்னை எம்.பி. கலாநிதி வீராசாமி, எம்.எல்.ஏ.க்கள் ஜே.ஜே.எபினேசர், ஐட்ரிம்ஸ் மூர்த்தி, தி.மு.க. மாநில மீனவர் அணி செயலளளாளர் ஆர்.பத்மநாபன் உள்பட பலர் உடன் இருந்தனர்.