தமிழக அரசு உத்தரவின்படி பொள்ளாச்சி மற்றும் அதன் சுற்றுவட்டார பகுதிகளில் நேற்று கொரோனா தடுப்பூசி சிறப்பு முகாம் நடைபெற்றது. பொள்ளாச்சி, கிணத்துக்கடவு, கோவில்பாளையம், வடசித்தூர் ஆகிய பகுதிகளில் தடுப்பூசி போடும் பணி விறு விறுப்பாக நடைபெற்றது. கிணத்துக்கடவு தாலுகாவில் நல்லட்டிபாளையம், சொக்கனூர், வடசித்தூர் ஆகிய அரசு ஆரம்ப சுகாதார நிலையங்கள், கிணத்துக்கடவு அரசு மருத்துவமனை, மன்றாம்பாளையம், பனப்பட்டி, மெட்டுவாவி, பெரியகளந்தை, கொண்டம்பட்டி, குளத்துப்பாளையம், கப்பளாங்கரை, குருநெல்லிபாளையம், வடசித்தூர் உள்ளிட்ட 15 இடங்களில் நடைபெற்ற சிறப்பு தடுப்பூசி முகாமில் ஒரே நாளில் 2,451 பேருக்கு முதல் மற்றும் 2-வது டோஸ் தடுப்பூசி போடப்பட்டது.

முகாம்களை மாவட்ட பிற்படுத்தப்பட்டோர் நல அலுவலர் அம்சவேணி, தாசில்தார் சசிரேகா ஆகியோர் பார்வையிட்டனர். தடுப்பூசி போடும் பணியில் பணியில் நல்லட்டிபாளையம் அரசு ஆரம்ப சுகாதார நிலைய டாக்டர் சித்ரா தலைமையில் செவிலியர்கள் ஈடுபட்டனர்.