முழு ஊரடங்கு தொடங்கிய 3-வது நாளில் இதுவரை ஊரடங்கு விதிகளை மீறியதாக 3,527 பேர் மீது வழக்கு போடப்பட்டுள்ளது. 3 நாட்களிலும் சேர்த்து 10 ஆயிரத்து 604 வழக்குகள் போடப்பட்டுள்ளது. இன்று (நேற்று) மட்டும் 948 வாகனங்கள் பறிமுதல் செய்யப்பட்டன. பொதுமக்கள் நடமாட்டம் குறைவாக இருந்ததால் வாகனங்கள் பறிமுதல் எண்ணிக்கை குறைந்து விட்டது.

3 நாட்களிலும் சேர்த்து 10 ஆயிரத்து 665 வாகனங்கள் பறிமுதல் செய்யப்பட்டுள்ளது. சமூக இடைவெளியை பின்பற்றாதவர்கள், முககவசம் அணியாதவர்கள் என 1393 பேர் மீது இன்று (நேற்று ) மட்டும் தனியாக வழக்கு போடப்பட்டுள்ளது. 3 நாட்களிலும் சேர்த்து 3517 வழக்குகள் போடப்பட்டுள்ளது.