3 பேர் மீது வழக்கு

ஆனால் சி.பி.ஐ. விசாரணையில் இருந்து பீட்டரை காப்பாற்ற 3 பேரும் எந்த நடவடிக்கையும் எடுக்கவில்லை. இதற்கிடையே பெங்களூருவில் உள்ள சி.பி.ஐ. அலுவலகத்தில் பீட்டர் விசாரணைக்கு ஆஜரானார். இந்த நிலையில் வழக்கு விசாரணையில் இருந்து தன்னை காப்பாற்ற வாங்கிய ரூ.70 லட்சத்தை தரும்படி சபாரியா, ஷியாம், விவேக்கிடம், பீட்டர் கேட்டார். ஆனால் 3 பேரும் பணம் கொடுக்க மறுத்தனர். மேலும் ஷியாம் போலி சி.பி.ஐ. அதிகாரி என்றும் பீட்டருக்கு தெரியவந்தது.

இதுகுறித்து பீட்டர், அசோக்நகர் போலீசில் புகார் அளித்தார். ஆனால் அந்த புகாரின்பேரில் போலீசார் நடவடிக்கை எடுக்கவில்லை என்று தெரிகிறது. இதையடுத்து 3 பேர் மீதும் வழக்குப்பதிவு செய்ய போலீசாருக்கு உத்தரவிட கோரி, பீட்டர் கோர்ட்டில் புகார் மனு தாக்கல் செய்தார். அந்த மனுவை கோர்ட்டு, அசோக்நகர் போலீசாருக்கு அனுப்பி வைத்ததுடன் 3 பேர் மீதும் வழக்குப்பதிவு செய்து நடவடிக்கை எடுக்க வேண்டும் என்று உத்தரவிட்டது. இதையடுத்து கோர்ட்டு உத்தரவின்பேரில் 3 பேர் மீதும் அசோக்நகர் போலீசார் வழக்குப்பதிவு செய்து விசாரணை நடத்தி வருகின்றனர்.