இதேபோல் நாகர்கோவில் நகரின் சுற்றுவட்டாரப் பகுதிகளிலும் மழை பெய்தது. பேச்சிப்பாறை, பெருஞ்சாணி மற்றும் சிற்றாறு அணைப் பகுதிகள் உள்பட மாவட்டத்தின் பல்வேறு பகுதிகளில் மிதமான சாரல் மழை பெய்தது. நேற்று காலை 8 மணி வரையிலான 24 மணி நேரத்தில் பெய்த மழை அளவு விவரம் (மி.மீ.) வருமாறு:-

மயிலாடியில் 60.4 மி.மீ. பதிவு

பேச்சிப்பாறை அணை - 15.8, பெருஞ்சாணி அணை- 38, சிற்றாறு அணை-1- 4.2, புத்தன் அணை- 37.4, மாம்பழத்துறையாறு அணை- 16, முக்கடல் அணை-8, பூதப்பாண்டி- 25.2, கன்னிமார்- 18.2, மயிலாடி- 60.4, நாகர்கோவில்- 28.2, சுருளக்கோடு- 37.4, தக்கலை- 28.4, குளச்சல்-2, இரணியல்- 6.4, பாலமோர்- 21.6, ஆரல்வாய்மொழி- 13, அடையாமடை- 52, முள்ளங்கினாவிளை- 2.1, ஆனைக்கிட்கு- 9.2 என்ற அளவில் மழை பதிவாகியது.

இதில் அதிகபட்சமாக மயிலாடி பகுதியில் 60.4 மி.மீ. அளவுக்கு மழை பெய்தது.

அணைகள் மூடப்பட்டன

இந்த மழையின் காரணமாக பேச்சிப்பாறை அணைக்கு வினாடிக்கு 271 கன அடி தண்ணீரும், பெருஞ்சாணி அணைக்கு வினாடிக்கு 123 கன அடி தண்ணீரும், சிற்றாறு-1 அணைக்கு வினாடிக்கு 20 கன அடி தண்ணீரும், சிற்றாறு-2 அணைக்கு வினாடிக்கு 32 கன அடி தண்ணீரும் வருகிறது. அணைகள் அனைத்தும் மூடப்பட்டுள்ளது. முக்கடல் அணையில் இருந்து நாகர்கோவில் நகரின் குடிநீருக்காக வினாடிக்கு 8.6 கன அடி தண்ணீர் திறக்கப்படுகிறது.

நேற்று முன்தினம் பெய்த மழையின் காரணமாக அகஸ்தீஸ்வரம் தாலுகா பகுதியில் 2 மரங்கள் விழுந்தன.