ஆழ்வார்திருநகரி பஜாரில் கடந்த 1988-ம் ஆண்டு அகில இந்திய இளம் தமிழர் மன்றம் சார்பில் கான்கிரீட்டாலான காமராஜர் சிலை அமைக்கப்பட்டது. இந்த சிலை பழுதடைந்த நிலையில் உள்ளதால், அதற்கு பதிலாக காமராஜருக்கு வெண்கல சிலை அமைக்க ஏற்பாடு செய்யப்பட்டது. இதற்கு மாவட்ட நிர்வாகம் அனுமதி வழங்காமல் காலம் தாழ்த்தி வருகிறது.

இதனைக் கண்டித்து, அகில இந்திய இளம் தமிழர் மன்றம் சார்பில், ஆழ்வார்திருநகரி பஜாரில் காமராஜர் சிலை முன்பு நேற்று ஒரு நாள் அடையாள உண்ணாவிரத போராட்டம் நடந்தது. அகில இந்திய இளம் தமிழர் மன்ற தலைவர் ராஜபாண்டியன் தலைமை தாங்கினார்.