பந்தலூர் தாலுகா சேரம்பாடி, சுங்கம் காலனி, கண்ணம்பள்ளி, கோரஞ்சால், சப்பந்தோடு, நாயக்கன்சோலை, சோலாடி உள்பட பல பகுதிகளில் ஆயிரக்கணக்கான பொதுமக்கள் குடியிருந்து வருகின்றனர். பெரும்பாலும் கூலி தொழிலாளர்கள் மற்றும் விவசாயிகளாக உள்ளனர். இதனால் தங்களது வீடுகளில் ஆடு, மாடு உள்ளிட்ட கால்நடைகளை வளர்த்து வருகின்றனர்.

பசு மாடுகள் மூலம் கிடைக்கும் பாலை விற்பனை செய்து, அதில் கிடைக்கும் வருமானத்தில் குடும்பம் நடத்தி வருகின்றனர். இந்த நிலையில் நோய்களால் பாதிக்கப்படும் கால்நடைகளை சேரம்பாடியில் உள்ள ஆஸ்பத்திரிக்கு மக்கள் கொண்டு சென்று வருகின்றனர். ஆனால் கால்நடை ஆஸ்பத்திரியில் போதிய டாக்டர் நியமிக்கப்படவில்லை.