ஓசூர் சின்ன எலசகிரி ஸ்ரீவாரி நகரை சேர்ந்தவர் வஜ்ரவேல்ராஜா (வயது 41). இவர் பிரபல தனியார் நிறுவனத்தில் உதவி மேலாளராக பணிபுரிந்து வருகிறார். நேற்று முன்தினம் இரவு இவர் ஓசூர் சிப்காட் ஸ்ரீ வாரி நகர் சாலை பக்கமாக நடந்து சென்று கொண்டிருந்தார்.

அப்போது அந்த வழியாக வந்த மர்ம நபர் ஒருவர், தான் வைத்திருந்த அரிவாளால் வஜ்ரவேல்ராஜாவை சரமாரியாக வெட்டினார். இதில் வஜ்ரவேல் ராஜாவிற்கு தலை மற்றும் கையில் பலத்த வெட்டுகாயம் ஏற்பட்டது. அவரை வெட்டிய நபர் அங்கிருந்து தப்பி ஓடிவிட்டார்.