தமிழ்நாடு கிராம நிர்வாக அலுவலர்கள் சங்கத்தின் சார்பில், கிருஷ்ணகிரி தாலுகா அலுவலகத்தில் நேற்று முன் தினம் மாலை 6 மணி முதல் நேற்று காலை 6 மணி வரை பல்வேறு கோரிக்கைகளை வலியுறுத்தி காத்திருப்பு போராட்டத்தில் ஈடுபட்டனர். வட்டத்தலைவர் சரவணன் தலைமை தாங்கினார். வட்ட செயலாளர் முத்துராமன் வரவேற்றார். மாவட்ட தலைவர் செந்தில்குமார், மாவட்ட துணைத்தலைவர் அறிவழகன், மாவட்ட இணைச் செயலாளர் தினேஷ்குமார் ஆகியோர் முன்னிலை வகித்தனர்.

இப்போராட்டத்தின் போது, வருவாய் நிர்வாக ஆணையர் அளித்த வாக்குறுதியின்படி மாவட்ட மாறுதலை ஒரே சமயத்தில் தமிழகம் முழுவதும் நடத்த வேண்டும். வரும் காலத்தில் மாவட்ட மாறுதலை ஆன்லைன் மூலம் நடத்த வேண்டும். கிராம நிர்வாக அலுவலர்களில் 50 சதவீதம் பெண்கள் இருப்பதால், அவர்களுக்கு கழிப்பறை, குடிநீர், மின்சாரம் போன்ற அடிப்படை வசதிகள் செய்து தர வேண்டும். மேலும் வாடகை கட்டிடத்தில் இயக்கும் அலுவலகத்திற்கு, முறையாக அரசு வாடகை வழங்க வேண்டும்.