நெல்லை மாவட்டம் கல்லிடைக்குறிச்சி பகுதியை சேர்ந்தவர் சுமதி. இவர் கடையம் அருகே அங்கன்வாடி மையத்தில் ஊழியராக வேலை செய்து வந்தார். இவர் கடந்த சில நாட்களுக்கு முன்பு தீக்குளித்து தற்கொலைக்கு முயற்சி செய்தார். அவர் தற்போது பாளையங்கோட்டை ஐகிரவுண்டு அரசு ஆஸ்பத்திரியில் சிகிச்சை பெற்று வருகிறார்.

இந்த நிலையில், சுமதி தீக்குளிக்க காரணமாக இருந்த அதிகாரியை கைது செய்யக்கோரி, தமிழ்நாடு அங்கன்வாடி ஊழியர்கள் மற்றும் உதவியாளர் சங்கம் நெல்லை மாவட்ட பிரிவு சார்பில் பாளையங்கோட்டை ஐகிரவுண்டு அரசு ஆஸ்பத்திரி முன்பு நேற்று ஆர்ப்பாட்டம் நடந்தது.