அதன்படி, தென்காசி மாவட்டத்தில் ரூ.1,000 மற்றும் நிவாரண பொருட்கள் வழங்கும் பணி நேற்று தொடங்கியது. ஒரே நேரத்தில் பொதுமக்கள் ஏராளமானோர் கூடுவதை தவிர்க்கும் விதமாக நாள் ஒன்றுக்கு 100 பேர் வீதம் நிவாரண பொருட்கள் வழங்க ஏற்பாடு செய்யப்பட்டது. இதற்காக நேற்று முன்தினம் டோக்கன்கள் வழங்கப்பட்டன.

தென்காசி மாவட்டத்தில் மொத்தம் 635 ரேஷன் கடைகள் உள்ளன. இந்த கடைகளில் 4 லட்சத்து 30 ஆயிரத்து 561 ரேஷன் அட்டைதாரர்கள் உள்ளனர். குறைவான ரேஷன் அட்டைதாரர்கள் உள்ள ரேஷன் கடைகளில் டோக்கன் வழங்கப்படாமல் நேரடியாக ரூ.1,000 மற்றும் நிவாரண பொருட்கள் வழங்கப்பட்டன. பல ரேஷன் கடைகளில் டோக்கன்கள் வழங்கப்பட்டு பொருட்கள் வழங்கப்பட்டன. ரேஷன் கடைகளில் பொதுமக்கள் சமூக இடைவெளி விட்டு நிற்கும் வகையில் கட்டங்கள் போடப்பட்டு இருந்தன. அந்த கட்டங்களில் நின்று பொதுமக்கள் நிவாரண பொருட்களை வாங்கி சென்றனர்.