அவ்வாறு ஊரடங்கை மீறி சாலைகளில் சுற்றித்திரிந்தவர்களை போலீசார் கைது செய்து அவர்களது வாகனங்களை பறிமுதல் செய்து வருகின்றனர்.

அந்த வகையில் கடந்த மார்ச் மாதம் 25-ந் தேதி முதல் நேற்று முன்தினம் வரை 27 நாட்களில் 4,853 வழக்குகள் பதிவு செய்யப்பட்டது. இதில் 4,943 பேரை போலீசார் கைது செய்தனர். கைதான இவர்களிடம் இருந்து 50 கார்கள், 70 ஆட்டோக்கள், 3,634 இருசக்கர வாகனங்கள் என மொத்தம் 3,754 வாகனங்கள் பறிமுதல் செய்யப்பட்டன.

நேற்றும் சாலைகளில் தேவையில்லாமல் சுற்றித்திரிந்தவர்களை போலீசார் மடக்கிப்பிடித்து கைது செய்து, அவர்களது வாகனங்களை பறிமுதல் செய்யும் நடவடிக்கையில் ஈடுபட்டனர். மாவட்டம் முழுவதும் பல்வேறு இடங்களில் தேவையில்லாமல் சுற்றித்திரிந்த 100-க்கும் மேற்பட்டோரை போலீசார் கைது செய்து அவர்களது வாகனங்களை பறிமுதல் செய்தனர். இதனால் மாவட்டத்தில் ஊரடங்கை மீறியதாக கைதானவர்களின் எண்ணிக்கை 5 ஆயிரத்தை தாண்டி உள்ளது.